Homosistein

Metionin və sistin metabolizminin ara məhsulu olan amin turşudur. Metionin metabolizminə təsir göstərən, ilkin və ikincili müxtəlif metabolik xəstəliklərin diaqnostikası və müşahidəsində istifadə olunur. Bundan başqa yüksəkliyi, ateroskleroz müddətini sürətləndirdiyi və tromboemboliya inkişafına meyillliyi artırdığından, sərbəst bir kardovaskulyar xəstəlik risk faktoru olaraq qəbul edilir.Yaşın artması, siqret çəkmə, hərəkətsiz həyat tərzi homosistein konsentrasiyasının yüksəlməsinə səbəb olur. Pəhriz zamanı kifayət qədər B vitamini və fol turşusu qəbul edilməməsi də qanda homostein konsentrasiyalarında yüksəlməyə şərait yarada bilər. Aterosklerozun proqressivləşməsi, vena və arteriyaların trombozu, işemiya və müxtəlif orqanların infarktı risk faktoru kimi dəyərləndirilir.


Artması müşahidə olunan hallar:
-    B6, B12 vitamini və fol turşusu çatmamazlığı;
-    böyrək fəaliyyətinin pozulması;
-    kofe və spirtli içkinin ziyadə qəbulu;
-    malabsorbsiya sindromu;
-    metotreksat, metilprednizolon, peroral kontraseptivlər, teofillin, diuretiklər, hipolipidemik preparatların qəbulu.


Homosisteinin qanda yüksəlməsi ateroskleroz və trombozun inkişafına əsas rol oynayır.
Anadangəlmə homosisteinuriya metilentetrahidrofolat - reduktazanın defisiti ilə bağlıdır. Belə xəstələrdə ağır əqli zəiflik, skeletin patologiyası, ateroskleroz xəstəliyinin erkən inkişafı baş verir.