MRT (Maqnit Rezonans Tomoqrafiya)

MRT – Maqnit Rezonans Tomoqrafiya insanların daxili quruluşuna baxmaq üçün daha çox tibbdə istifadə edilən, maqnetik dalğa prinsipi ilə çalışan bir müayinə metodudur. MRT orqanizmin müxtəlif bölgələri üçün müxtəlif məqsədlərlə tətbiq oluna bilər. Miqren, baş ağrılarında, nevroloji xəstəliklərdə, beyin şişindən şübhələnilən xəstələrdə, epileptik növbə keçirən xəstələrdə, göz, qulaq, çənə oynağı problemi olan xəstələrdə, onurğa problemi, disk oynamaları və disk yırtıqlarında, bel, diz kimi oynaqlar və bağların qiymətləndirilməsində, idman yaralanmalarında, ürək xəstəliklərində, döş və qarın daxili orqan xəstəliklərində, sümük quruluş xəstəliklərində MRT aparıla bilər. MRT təhlükəsiz və ağrısız müayinədir. Rentgen müayinəsindən fərqli olaraq insan orqanizmi üçün tamamilə ziyansızdır, hamilə qadınlar və uşaqlar da keçə bilərlər. MRT insan bədəninin bütün daxili orqanlarını müayinə etməyə imkan verir və dərin yerləşmiş bioloji toxumaların viziullaşmasını təmin edir.

Maqnit Rezonans Tomoqrafiyası (MRT) – Dəqiq və Etibarlı Diaqnostika

Maqnit Rezonans Tomoqrafiya (MRT) insan bədəninin daxili orqanlarının yüksək dəqiqliklə vizuallaşdırılmasını təmin edən müasir və təhlükəsiz diaqnostik metodlardan biridir. MRT, sabit maqnit sahəsində toxumalarda yerləşən hidrogen nüvələrinin yüksək tezlikli impulslara verdiyi cavab reaksiyasını ölçərək, detallı və aydın təsvirlər əldə etməyə imkan yaradır.

MRT hansı hallarda istifadə olunur?

MRT, xüsusilə sinir sistemi, sümük iliyi, əzələ-oynaq sistemi və yumşaq toxumaların diaqnostikasında geniş tətbiq olunur. Bu müayinə üsulu sayəsində dərin yerləşmiş bioloji toxumaları, iltihabi prosesləri və patologiyaları yüksək dəqiqliklə aşkar etmək mümkündür.

Klinikamızda MRT müayinəsi – Müasir və Peşəkar Yanaşma

Referans Hospitalda  MRT müayinələri həyata keçirilir. Bu aparatlar vasitəsilə aşağıdakı sahələrdə yüksək keyfiyyətli MRT müayinələri aparılır:

Baş və Sinir Sistemi MRT

• Cerebral MRT (Beyin MRT)
• Orbital MRT (Göz yuvası MRT)
• Paranazal sinuslar MRT (Üz sümüyü və sinus MRT)
• Kəllə əsası MRT
• Hipofiz MRT

Boyun və Onurğa MRT

• Boyun orqanları MRT
• Onurğa sütunu MRT (Boyun, döş və bel fəqərələri)
• Servikal (boyun damarları) MR Angioqrafiya

Daxili Orqanlar və Çanaq MRT

• Yuxarı abdomen MRT (Qaraciyər, mədəaltı vəzi, öd kisəsi və dalaq)
• Pelvik MRT (Çanaq orqanları, yumurtalıqlar, prostat və sidik kisəsi)
• Böyrəklər və böyrəküstü vəzlər MRT
• MR Xolangioqrafiya (Öd yollarının MRT müayinəsi)

Oynaq və Sümük MRT

• Bud-çanaq oynağı MRT
• Diz oynağı MRT
• Dirsək MRT
• Oma-qalça oynaqları MRT

Niyə Referans Medical Groupda-da MRT?

• Yüksək texnologiyalı MRT cihazları – Daha dəqiq və keyfiyyətli görüntü
• Sürətli və rahat MRT müayinələri – Gözləmədən xidmət alma imkanı
• Təhlükəsiz və şüasız diaqnostika – X-ray və KT-dən fərqli olaraq ionlaşdırıcı şüa yoxdur
• Təcrübəli həkim-radioloqlar – Peşəkar diaqnoz və məsləhət

MRT müayinəsi ilə bağlı ətraflı məlumat almaq və ya randevu təyin etmək üçün bizimlə əlaqə saxlayın!

MRT (Maqnit Rezonans Tomoqrafiya) müayinəsinin aparıldığı filiallarımız:

- Referans Hayat Hospital, Bakı şəh., Yasamal r., Mətbuat pr. 35A
- Referans Qəbələ Tibb Mərkəzi: Qəbələ şəh., A. Səhhət küç. 25A
- Referans Xaçmaz Tibb Mərkəzi: Xaçmaz şəh., N.Nərimanov küç. 49 (keçmiş NK-AY klinikası)
- Referans Naxçıvan Tibb Mərkəzi: Naxçıvan şəh., 11-ci Məhəllə
- Həmçinin Referans Medical Group daxilində fəaliyyət göstərən Leyla Medical Centerdə aparılır.